عدد الرسائل : 975 الموقع : تحت المكيف العمل/الترفيه : طالبه ثانويه المزاج : على حسب المزاج تاريخ التسجيل : 17/09/2008
موضوع: حبـ على قواطي الصلصه وخيانه عظيمه مع حصيصه السبت أكتوبر 04, 2008 9:28 pm
{ .. خطآي اني حبيته وجنني ولعب فيني يتركني أعاني [ بحبي ] له وينساني ’ أنا مره حبيته ولآفكر يوآسيني .. }
تراي ماعرف للمقدمات رياحي شمالِ وهن يمينِ
"
" هند " الفتاة العانس الطموح < حتى وهي عانس .. يوم انه ببيتهم الطين تكزه امه للجيرآن تجيب منهم قوطي صلصه لعشا ابوهم .. وتروح وهي لابسه الفستان التفاحي وشلحه برتقاليه ومكفوز شبر من تحت وتمشي حافيه وتجيب معه حصاة ترقى فوقه ترن الجرس ويوم انه انفتح الباب.. وش تشوف ويويتز ذاك الولد الاشقر يقالوه دحيم < اشقر من كثر اللعب بالتراب قالت لوه تقول امي عندكم صلصه.. وهي تحتسي معوه بدا قلبه ينابط ويراقص < لحظات الحب الاولى ..قالت بنفسه ياقلبي لاتهوى فإن الهوى وساويس وهموم < وش عندها ابو نواس < ترى اوب ابو نواس الي وشسموه .. واخذت الصلصه وقلبه جدعتوه عند ولد الجيران .. البنت من بكرا قالت يمه ماتبين شي من الجيران < كله لعيون الحبايب تطق مشاوير ..
"
هند بدت كل دقيزه ودقيزه تويتز من السطح غديه تطيح عينه ع حبيب بس ولو مابوه فايده وراحت ايامها هدر والحبيب لا درى ولا طرى .. وجاء الفرج عقب اسبوعين من العذاب والخذرايف يوم انه ام الولد الاشقر دحيم تعزم ام هند صبحيه .. وجاء اليوم الموعود وهند ماجاه النوم ليلة البارح من الفرحه .. وروحي البسي احسن ماعنده و طقي الجدايل والبسي شراب مع شبشب < ماركة الهرم والطسي عيونه بالكحل واطلعي لم امه قالت تراي جاهزه يلا ترانا صيفنا عليهم < الساعه 7 لعنبوا دار عيونه تشوف العقارب قلب .. وتقبع الام عباته وهند تسابق الريح بالشارع حسافه تروح دقيزه ماكحلت عينه بفارس الغفله .. وتدخل هي وامه ويقعدن بفرشتن بالعريش والهواء يهبهب بشعر هند الي تسنه مكنسة خوص مابوه امل يتفرك حتى لو يمر من عنده ددسن تمشي مليون ..وجاء المملوح دحيم قال هند ماودتس تجين نلعب بالنفود ومير انه تنعبس ملامح وجهها غدت عيونه براسه واذانه بخشته من الحياء ..قالت : لا ودي اكل كراث معهم وهي تتسذب مسويه ثقل ..قال له بكيفتس ..هنا هند بغى يغمى عليه تسيف انا جدعت حظي بين رجليني وهالدلخ مابوه امل يلزم علي .. ويوم قضن هابسات وماهنا احدن ماعرمشن لحموه قالت ام هند يلا ابونا يبي غداه نبي نروح ( هند بقلبه تقول عساه ينقز مر هو وقت غديات ) ..
"
والايام تراكض ويراكضون وراه فكرت هند فكره جهنميه .. قالت لعنبوا داري الولد بين ايديني وعجزت اطيح قلبه .. ومير انه بدت البنت ماتطلع من اهل دحيم الغداء والعشاء وشوي وتجيب فراشه معه من قوة انه نشبتن بهم .. بس الولد منعميتن عيونه عنها ولا جاب طاريه ..
كبر دحيم وتخشن صوتوه وطلع شنبوه < يكفي .. وكبرت هند وكبر همه معه ..
"
هند مازال الامل يلعب به قالت لا صار دحيم مابوه فايده غدين مير اترزز قدام امه واطبخ وانفخ و اثقل عنده واخلي حركات المراهقه يمكن يصير بوه رجاء ونعرس ونعيل واقوله احبك غربلك الله مثل ماغربلتن < مشكلة العوانس ..
"
وتقدم لهند كم واحدان من الخطاطيب بس ترفض لعيون هوى القلب دحيم .. صارت تنام وتقوم وتأكل وتشرب وتدخل الحمام ع طاري دحيم الاشهب ..
يوم الحزن ويوم حمية التسبد ( يوم ماوصل خبر عرس دحيم ع حصه بنت عزيز لهند )
قالت هند آآآخ صدز لا قالوا حظك مثل وجهك ( هند تناظر وجهه بالمرايه ) .. وأعرس دحيم عقب كم يوم وحملت مرته وعيّل ولا زالت هند تحوس وتدوس بقطار العوانس تحتري لو شايبن يضفه من وحدته ..
السبت أكتوبر 04, 2008 9:28 pm
.. يوم انه ببيتهم الطين تكزه امه للجيرآن تجيب منهم قوطي صلصه لعشا ابوهم .. وتروح وهي لابسه الفستان التفاحي وشلحه برتقاليه ومكفوز شبر من تحت وتمشي حافيه وتجيب معه حصاة ترقى فوقه ترن الجرس ويوم انه انفتح الباب.. وش تشوف 
ويويتز ذاك الولد الاشقر يقالوه دحيم 
< اشقر من كثر اللعب بالتراب 
..قالت بنفسه ياقلبي لاتهوى فإن الهوى وساويس وهموم 
< وش عندها ابو نواس 
..هنا هند بغى يغمى عليه تسيف انا جدعت حظي بين رجليني 
.. ويوم قضن هابسات وماهنا احدن ماعرمشن لحموه قالت ام هند يلا ابونا يبي غداه نبي نروح ( هند بقلبه تقول عساه ينقز مر هو وقت غديات 
واخلي حركات المراهقه يمكن يصير بوه رجاء ونعرس ونعيل واقوله احبك غربلك الله مثل ماغربلتن 
) 
عطرونــــــــا بردودكــــــــــــم 
÷أ&: 
