يااااهلااااا بهالخشش الي طلت هع هع...
هل أنتِ مرجوجه؟
وإذا كنت كذالك .. ماهو مستوى رجتك ؟
للإجابة على هذه الأسئلة ماعليك سوى اجراء هذا الاختبار النفسي ..
السؤال الأول :
انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك :
1- تمسك النملة وتفعصها بإصبعيك وأنت تضحك ومستانس و تقول : والله يا أنتي نملة منسمة تبين تخترقيني .. هع هع هع ههههههااااااي .. بس على مين أنا أبو جلمبو والأجر على الله .
2- توخر النملة عن وجهك و تنتفها وانت تشتمها .
3 - تخلي النملة تدخل خشمك .
----------------------------
السؤال الثاني :
رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وشتسوي بكرة إذا بغت تسير في الضحى على أم صويلح .. ماذا تفعل :
1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الكورنيش.. حب ورثته من الجدوووود
هع هع هع هااااااااااااااااااي والله تسحيبة يمة .
2- تجي بشويش من ورى أمك وهي سرحااانة وتصرخ في أذنها وتقول : مساااااج الله بالخير .. وطبعاً هي بتنفجع وبتقول.. وجع.. الله يمسيك بعصا إن شاء الله .
3- تطلع غرفتك وما تسوي شيء.
---------------------------
السؤال الثالث :
انت توك مقيل وماخذ لك قيلولة على كيف كيف مرت جيرانكم... ونااازل الصالة إلا وتشوف خواتك الصغااار عند سبيس تون طااايرة عيونهم .. ماذا تفعل :
1- تجي يعنني تكنس وتغطي عليهم التليفزيون
2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف .
3 - تقعد تتفرج معهم.
-----------------------------------------
السؤال الرابع والأخير:
بعد العشاء اشتهيت لبن ونزلت تشتريه من البقالة ولقيت سيارة رفيقك عند باب البقالة :
1- تنسم كفراته الأربعة .
2- تسلم عليه وتلزم عليه يعزمك على العشاء .
3- تشتري له لبن معك.
---------------------
النتيجة :
أعط نفسك لكل اجابة رقم واحد 3 درجات
ولكل اجابة رقم 2 درجتين
ولكل اجابة رقم 3 درجة وحدة-
-------------------------------------
12- 9
أنت مرجوووج جداً ..
حالتك خطيرة .. وقد تتحول رجتك إلى هبااال رسمي .
الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .
-------------------------------
8-5
أنت مرجوج بس على دفاشة شوي ..
مستوى رجتك معقول لكن لا تستخف دمك كثير لأنك ستجيب العيد .
الحل : خل عنك الدفاشة.. ولازم تؤمن إنك تعاني من الدلاخة في مراحلها الأولى ..
كل عصفور قبل الغدا مرة في السنة .
-----------------------------------
5-4
يا أخي انت مب في الدنيا .. ميت والناس حيين ..
انتبه على نفسك لأن أهلك احتمال ينسووووك إذا بغو يسافرون.
انا طبعا حسبت لنفسي ولقيت درجاتي كثيرة
الدرجه اللي اطلعت خربت ابو الارقاام كلهاا خخخخخخخخخخ
أهـــــــم شــــــــي
الجمعة أكتوبر 17, 2008 5:13 am
هعهع